[A:213]ma sangs sprul pa stag sna rdzong pa'i byung tshul lo/ / 'gro ba'i gtsug rgyan dpal ldan sa skya pas/ /chol kha gsur la kha lo bsgyur pa'i dus/ /de yi 'phrin las sgrub pa'i dpon chen dang / /slob dpon dge bshes blon rje rim pa rnams/ /mkhas pa mchog stobs grangs las 'das mod kyis/ /thog mar yus po che ba'i mi gsum po/ /grom pa'i sa skya dpon rje shAka bzang dang / /shar smad tsong kha'i dge bshes rin brtson dang / /mdo stod go 'jo'i hor chen don tshul yin/ /de gsum nang nas rigs mtho blo gsal ba/ /dge bshes chen po nas brgyud ding sang bar/ /bla ma'i zhabs tog dbus gtsang bya ba dang / /mi mthun dpung 'joms ma sangs bka' babs zhes/ /snyan pa'i grags pas phyogs bcu kun khyab pa/ /blon chen 'di pa'i byon tshul 'di ltar ro/ /de yang 'di ltar thos te/ sngon bod du chos skyong rgyal po khri srong lde btsan dang / de'i sras bzhi pa/ khri lde srong btsan rgyal po'i sku ring la/ mtha'i dmag 'gog pa'i bod yul gyi phyogs bzhir/ sgo srung bskos/ khyad par bod dmag khri khrag mang po khyer nas/ bha ta hor gyi sgom grwa bcom/ g.yul rgyal/ gnang bcad nas phyir byon dus/ de phyogs kyi sgo srung la/ bod dmag gseb nas skyen btus pa'i dpa' bo mi dgu dmag brgya phrag dgu dang bcas pa hor bod kyi so mtshams su bzhag de dus khong rnams kyi/ nged rnams ji tsam la log