[A:218]mthar ded pas sog la skya bo'i zhol na/ sgar chen zhig 'dug de'i khrod na chibs pa yang 'dug nas/ mgron mnyer ba la rgyu mtshan bshad/ sgar 'di su'i yin bris pas/ ma sangs gyi sgar yin/ ge sar dang rgu ldi la sogs pa yod zer/ gur nang du khrid/ rgu ldi yin zer ba de na re/ nged kyi kha sing nas byang stong la yong / dpon chen pa dang mjal rtsis la ma mjal/ da gzod khyed kyi dpon po zhig yod pa de dang / yang yang 'phrad zer ba gyis la/ rta dang mda' rgod sgro ma 'di phul zer nas khyer yong / dpon chen pa la phul/ der rting dpon po rgod po rin chen 'khrungs so/ /dpon chen rgyal ba bzang po de nyid/ ti shri kun rgyal ba'i zhabs la gtug gong la phyag phyir byon/ bla ma'i sku drin dang / khrims kyi bya ba la mkhas pas/ sngon la dbon shri dang / der rting du dbus gtsang gi dpon chen sngun ma thob/ yar phebs dus rgan pas zhal ta mdzad/ jo mor bla ma mus chen po'i dbon mo dang / dpon mo jo mo rim par blangs na'ang / sras ma byung ba/ zhal ta ma 'bum rgyan bya ba la sras grags pa rgyal mtshan pa byung zhing / rting la sras zur du dbon po hor tsha bya ba zhig yang byung / dpon chen pas dbon po dkon mchog 'od zer byang khri dpon la bskos/ sras po grags pa rgyal mtshan pa sa skya nang sor bzhag dbus gtsang bde ba la bkod nas/ dbon po dkon mchog rin chen pa phyag phyir khrid te/ yang gong ma yon mchod kyi zhabs drung du byon pa/ sngon rting dril bas lo bco brgyad tsam gong du bzhugs/ son jing dben gyi rtsa ba'i dpon chen lo zhang lan gsum mdzad/ lung gu ta ha'i zon gnang / yar 'byon khar nga'i sbra ber khyung gsum gyi tshong pa/ bod la lo re