[A:235]rdo rje na re/ ngas rgyal po bsad pas byar mi rung gzhan nas btsal gyis rgya nag ha shang ke wang dang / gyi ban bya ba btang byung ba dang / mkhan slob dang dmar gyis gsang ston/ rgya'i dge song gnyis pos kha skang byas te lnga tshogs kyis bsnyen rdzogs byas so/ /de nas lo lnga lon pa dang / bsam yas na yum brtan gyi rgyal rgyud/ mnga' bdag tsha la na yab sras kyis/ mdo smad na rab byung yod pa'i rgyu mtshan tshor nas/ dbus gtsang gi mi shes rab dang snying rus che rnams/ chos 'tshol ba la nges par btang dgos dgongs par shar te/ dbus nas glags pa lam pa/ klu mes shes rab tshul khrims dang / 'bre ye shes yon tan/ rag shi tshul khrims 'byung gnas/ sba tshul khrims blo gros/ sum pa ye shes blo gros dang lnga/ gtsang nas/ mgur mo rab kha ba/ lo ston rdo rje dbang phyugashab sgo mnga' ba'i tshong btsun shes rab seng ge mnga' ris pa 'od rgyal spun gnyis/ bo dong pa u pa lte dkar ba dang lnga ste/ mi bcu po de khams la brdzangs nas/ gtsang g.yo dmar gsum la/ bka' drin zhus pas/ gtsang na re/ nged rgas pas mkhan po mi 'khyongs/ bla ma chen po la zhus gsungs/ bla chen gyis bsnyen par rdzogs nas/ lo lnga las ma lon pas na/ mkhan po mi gtub zer ba la/ gtsang na re/ dmigs bsal la gtub pas gyis gsung nas/ bla chen gyis mkhan po/ gtsang g.yos las slob dang gsang ston byas/ dmar dang ha shang gis kha skong byas te/ thams cad chig rdzogs byas so/ /de nas bla chen gyi zhal nas da khyed rnams yar song la/ dbus gtsang du bstan pa dar ba zhig gal che'o/ /de'ang lo ston mthu che bas bstan bsrung gyis/ klu mes sku btsun