[A:234]du byas/ bod du sangs rgyas kyi bstan pa bsnubs/ lo phyed dang bzhir sdig rgyal kho na byas/ zhe bzhi lon pa me pho stag gi lo'i dus/ lha lung dpal gyi rdo rjes/ lha sa'i rdo ring rtsa ru glang dar ma bkrongs so/ /de'i dus su 'jad kyi mi gtsang rab gsal dang / bo dong pa g.yo dge 'byung / stod lung pa dmar shAkya mu ne gsum po/ dpal chu bo ri la sgom zhing yod pas na btsun pas khyi ra byed pa mthong te/ dris pas rgyal pos bstan pa bsnubs par shes te/ 'dul ba'i po ti drel khal gcig bkal nas mnga' ris stod du bros/ gar log la lam byas nas hor yul du phyin la/ chos dar bar bya snyam pa la/ skad rigs mi gcig lo tsA med pas dar bar ma nus te/ mdo smad lho dngos kyi be ra tshwa mtsho na tshur byung nas/ rma lung rdo rje brag ra/ an byung gnam rdzong/ dan tig shel kyi yang dgon du slebs/ sgom zhing yod pa la/ rma chu kha'i phyugs rdzis mthong nas yul mi la smras pa/ bon po'i grub thob/ mu zu gsal bzang bya ba'i bu lo bco lnga lon pa/ las dang skal ba ldan zhing mos pa la spyod pa'i/ dpal dmu zu gsal 'bar gyi tshor nas/ ltar phyin pas mthong ba tsam gyi dad nas/ rab tu byung ba zhus pa la/ 'dul ba'i bslab bya'i po ti bstan nas/ 'di la ltos/ 'di ltar rab tu byung na gsungs/ bltas pas shin du dad te mchi ma byung ngo / /der gtsang gis mkhan po/ g.yos slob dpon byas nas rab tu byung dge tshul gyi ming / mkhan slob dang sbyar nas dge ba rab gsal du btags so/ /phyis thugs rab che bas/ dgongs pa rab gsal du grags so/ /de nas lo 'ga' song ba dang / bsnyen rdzogs zhus dus/ dge slong lnga ma tshang bas mi yong gsungs/ lha lung dpal gyi