[A:270]byed do/ /ta'i si tu de dgung lo re gsum pa/ me pho 'brug gi lo la bde bar gshegs so/ /de nas dbon po slob dpon shAkya rgyal mtshan pas/ sne gdong khri thog tu bzhugs/ bla dpon sbrags nas mdzad pa'i rigs la/ rgyal khrims 'jags shing / chos khrims dar/ dbus gtsang bde ba dang / mnga' zhabs skyid par byung na dgongs pa'i thugs dge ba kho na bzung bas/ kun gyi 'jam dbyangs shAkya rgyal mtshan zhes bstod cing bsngags pa'i snyan grags cher byung shing / tshul de dang mthun par gyur to/ /hor tho gan the mur rgyal pos kyang / chang gu'i gung gi mtshan dang / las ka gnang / khong gshegs rting gcung po khri dpon shAkya rin chen pa/ sne gdong du bskos nas/ dbus gtsang gi gzhis bskor la 'byon par chas/ gzhung skyid mo gshong du phebs nub/ khang skor byin la me stobs chen shor/ dpon g.yog rnams nyen can la gtad pas/ rtog bcas kyi phyir log nas/ mkhar thog dgon gsar du bzhugs su bcugathugs ma bde nas mu med mang rab mdzad pas/ khrims bdag smyon par grags pa'ang byung la/ spyan mnga' grags byang pas lo shas bla dpon sbrags nas bzung /de'i rting de'i gcung po grags pa rin chen pa sne gdong du lo 'ga' bskos/ de mtshams rdzong ji rgyal mtshan bzang po ba khu dbon gyi/ dam byas nas/ bdag po grags rin pa/ glo bur du gong dkar nas gzhung ko la gdan drangs/ spyan mnga' grags pa'i gdan sar bskyal/ sne gdong khri thog tu/ khri dpon shAg rin gyi sras che ba/ grags pa rgyal mtshan pa dgung lo bcu gcig lon pa'i dus/ shing pho byi ba'i lo la/ dpon sar bton/ sku tshe'i stod la/ dbon zhang gi 'khon