[A:274]shangs pa bka' brgyud rin chen bdun byon tshul bzhugs so/ / na mo ratna gu ru/ zab don thar lam nye ba mkha' 'gro'i chos/ /sgyu lam rmi lam sprul sgyur dbang 'byor zhing / /chos skyong mgon po'i 'phrin las legs bsgrubs pa/ /shangs pa bka' rgyud byon tshul zur tsam 'bri/ /de'ang shangs pa'i chos skor zhes bya ba/ rgyud thag nye zhing / rgyud pa bka' babs dang ldan pa/ gdams ngag nus pa dang ldan pa/ mkha' 'gro'i byin rlabs dang ldan pa/ 'di'i byung tshul bla ma brgyud pa'i rnam thar zur tsam bstan pa ni/ thog mar sangs rgyas ye shes kyi mkha' 'gro ma ni gu ma dang / su ga siddhi la gsungs shing / de gnyis kyi zhal dngos su bstan nas gsung ba ni/ mkhas grub chen po khyung po rnal 'byor gyi 'khrung yul ni/ snye mo ra mangs/ rigs ni bon po/ rus ni khyung po/ yab khyung po stag skyes dang / yum bkra shis skyid kyi sras su 'khrungs ma thag tu/ grub thob a mo gha pas lung bstan/ yig rtsis la sogs mkhas par mkhyen/ bon dang / phyag rgya chen po zhus pa la the tshom re tsam 'khrungs nas/ rgya gar la chos 'tshol du byon/ paNDi ta ma thu badzra dang / bla ma rdo rje gdan pa'i drung du mjal/ ma ga dhar dge tshul zhus/ mtshan tshul khrims mgon por btags pas/ bla mas shangs khrag shor nas/ khyung po rnal 'byor la mtshan dpod ma thub/ de