[A:62]blo ldan rgya nag gi rgyal rabs bzhugs so/ / na mo arya manydzu shrI ye/ blo gros mkhyen brtse'i 'od kyi 'gro kun gyis/ /blo ngan ma rig mthug po rab bsal nas/ /blo gsal spobs pa'i snang ba mchog stsol ba'i/ /blo ldan 'jam dbyangs zhabs la gus btud nas/ /de yi zhing mchog ri bo rtse lnga zhes/ /de lta'i 'khor yug rgya nag thang gi yul/ /de nyid bzung 'dzin rgyal rgyud byung tshul rnams/ /de'ang 'dir mdor bsdus don gsal 'bri bar bya/ rgya nag po'i yig tshang la/ ce hu wang zhes pa'i rgyal rabs bzhi pa/shing pho rta lo la rgyal sar bton nas/ lo nyi shu rtsa gcig lon pa'i dus su/ shing pho stag lo zla ba bzhi pa'i tshes brgyad la/ rgya gar du bcom ldan 'das rgyal ba shAkya thub pa rgyal bu don grub tu sprul nas sku 'khrungs/ de'i 'od dang cho 'phrul rnams rgya nag yul du'ang mthong bas/ rtsis byas dus/ sangs rgyas 'byon par shes shing / de'i bstan pa rgya nag tu'ang 'ong bar 'dug zer/ rgyal bu don grub dgung lo nyi shu rtsa dgu par rab tu byung / sum cu so lnga la sangs rgyas/ de nas lo bdun 'das pa nas/ yum la chos 'chad pa'i don la lha yul du byon/ zla ba gsum bzhugs/ de'i shul du rgyal po u Ta ya nas mo'u 'gal gyi bu la bskul nas/ lha'i yul du sangs rgyas kyi sku tshad/ tsan dan go shirSha las bzhengs te mi yul du gdan drangs/ bcom ldan 'das lha las babs nas rgya