[A:64]chos bkal nas/ rgya nag ho nan du pa'e ma si lha khang bzhengs/ chos bsgyur/ de phyin chad nas rgya nag tu/ sangs rgyas kyi bstan pa dar ba yin no/ /paNDi ta de gnyis kyi dgra bcom pa thob nas/ rdzu 'phrul gyi gcig nam mkha' la 'phur nas/ rgya mtsho'i gling ka'u li dkar po'i rgyal khams zhes par song nas mya ngan las 'das/ gcig ni lha khang de'i 'og tu 'gog pa'i ting nge 'dzin la zhugs nas/ byams mgon byon dus mjal nas mya ngan las 'da'o zer/ han gyi rgyal rabs nyi shu rtsa bzhi pa/ han hen ti'i rgyal po'i blon po tsha'o tsha'o zer bas rgyal sa phrogs pa mi rgyud lngar rgyal po byas/ yang de'i blon po si ma zhes pas/ rgyal sa phrogs nas bzung / de sting he'u tsing gi rgyud pa la/ tung cin zhi cin gnyis byung ba'i/ zhi cin gyi rgyal po'i dus su/ rgya gar paNDi ta rgas po gcig byung nas/ rgya gar dang ljang yul gyi bar rgyal khams chung ngu zhig na/ sngon sangs rgyas shAkya thub pa sum cu rtsa gsum du byon dus bzhengs pa'i lha/ sangs rgyas dgung lo bcu gnyis pa'i sku tshad jo bo shAkya mu ne dang / sangs rgyas kyi ring bsrel dang / ku m'a ra zhes pa'i paNDi ta mkhas pa gcig rnams yod pa/ der rgyal khams chung bas/ 'gro don mi 'phel bar 'dug rgyal po khyed la stobs 'dug pas/ dmag thongs la de rnams blangs na/ sems can mang po la phan par 'dug zer bas/ rgyal po de la blon po zhing gi phying sang zhig dang / chu mi dbyen gyi mi dpon zhig yod pa las/ mi dpon la dmag khri tsho bzhi bcu thams pa bskur nas btang bas/ jo bo dang ring bsrel ngo bo dang / paNDi ta de 'das 'dug pa'i tshab la ku mA ra chung ba rnams gdan drangs/ lam du paN chung des/ mkhas pa'i rnam