[A:66]lag pas/ mgo rang gi blangs pa ske thog tu sbyar nas/ gtsug lag khang du phyin/ 'khor mang po la las rgyu 'bras kyi chos bstan nas/ mgo bo rang gi pang du lhung nas/ tshe'i dus byas so/ /ching sang gwa'i rgyal rgyud chad nas su'i dbyang di zer ba'i rgyal po pha bu gnyis byung / des mnga' 'og nas/ thang ka'u cung dzung zhes pa tha'e yang tha'i hu'i gle'u shu si'i gle'u shu byed cing yod pa des/ ngo log nas/ rgyal sa phrogs te/ de ni thang gi rgyal po'i thog ma yin no/ /de la bu gsum yod pa'i/ 'bring po thang tha'i dzung rgyal po'i dpung thang zam tshang zhes pa'i/ lo tsA ba slob dpon dbyig gnyen gyi slob ma zhig gis/ rgya gar nas chos mang po bsgyur/ de yan la rgya la lo tsA ba nyis brgya byung / de dus zon klu shrI zhes pa'i 'dul ba 'dzin pa chen po zhig yod pa/ de ri mthon po'i zur nas g.yang la lhung ba/ lha bu zhig gis bar snang nas bzung ste/ ma bsnad pa la/ de su yin dris pas/ bdag rgyal po rnam thos sras kyi bu gnyis pa yin/ nged spun gnyis kyi gsung rab yan lag bcu gnyis bsrung bar dam bcas pas/ bdag 'dul ba'i sde snod srung ba yin zer zhing / zon klu shrIs dang / thang zam tsang dang / ku mA ra chung ba rnams ci 'dra yin dris pa la/ lan btab pa yod/ thang tha'i dzung gi sras mo/ su'i lan kong jo/ bod skad du/ mtsho nang gi padma zhes pa de/ bod du 'ong dus/ jo bo shAkya mu ne yang byon pa yin/ de nas da lta me pho khyi lo 'di yan la/ lo bdun brgya 'gro zhes pa rgya'i deb ther rnying pa las/ dzaM bha la sogs shrI mgon gi mthong ba/ lha sa'i gtsug lag khang na yi ger 'dug pa mthong nas bris pa yin no/ /thang shu thu hwan zhes rgya'i deb ther las thang ka'u dzung rgyal pos/ sa pho stag