[A:76]te/ ga dzu rgyal po zhes par btags te/ de nas rgyal rabs drug nas/ mi nyag rgyal rgod byung / de'i dus su si no wa/ bod skad du sems nag po'i ra zhes pa la skyes pa'i mi'i rgyal po'i blon po byas nas/ rgyal po gsod par 'gyur zhes pa la/rgyal rgod kyi tshor nas/ ri de la yod pa'i mi thams cad bsad na e 'thad ces/tha'i hu rgyal po la zhus pas khong chos la dkar bas ma nyan/ de nas rgyal pos/ byang ngos su sdod ma nus par/ gha ru 'phos kyang phyis ri de la skyes pa'i mi zhig yod pa ma tshor ba la blon po thob nas/ des mi nyag rgyal rgod bsad/ de'i rjes su rgyud chad nas/ tho 'dzin zhes pa'i rgyal po gzhan gcig byung ba/ de'i lag nas hor jing gir rgyal pos/ rgyal sa phrogs te/ mi nyag tho dzi rgyal po srog me yin/ jing gir rgyal po srog chu yin pa'i don gyi/ ji tsam 'thab kyang ma thub pa yin/ mi nyag rgyal rgod kyi skye ba/ hor rgyal po go dan yin/ khong byang ngos su slebs pa dang / sngar mi nyag rgyal rgod bsad pa'i sa cha der lha khang bzhengs zhing / gsod mi tshang ma brlag par byas so/ /ge go dan e yin stag gan rgyal po la/ ngan byed mi/ phyis gin thi mu yang sri gnon yi gzhan du skyes pa yin na no/ /zhes pa mi nyag btsan che shes rab ye shes kyi bkod pa/ yi ger bris bkod pa'o/ /'di la rgya'i rgyal po ci'u tha'i dzung spun gnyis kyis rgyal sa bzung ba'i rjes la se'u rgyal po byung zhes pa dang / se'u rgyal po nas mi nyag rgyal po bcu gnyis byung / lo ni brgya dang drug cu rgyal srid bzung / /de nas hor la rgyal sa shor ba yin/ /zhes pa yang gtam rgyud 'ga' re na snang ngo / /mi nyag rgyal rabs bris pa'i dge ba yis/ /mi yi 'gro ba 'khor ba'i g.yul ngo las/ /mi 'jigs dpa' bo thob cing 'gro kun gyis/ /mi 'gyur rdo rje'i go 'phang myur thob shog///