[A:82]btsan por btags so/ /de la sras/ sha khri/ bya khri/ nya khri gsum 'khrungs ste/ yab de mu stegs kyi ston pa dig skad pa dang / shing sgrod pa dang / srog gzan pa bya ba rnams/ mchod gnas su rim par bkur ba'i skyon gyis/ rgyal po'i thugs gdon gyi bskyod nas/ rang gi blon po long ngam rta rdzi bya ba la/ khyod kyi nga'i 'thab zla bya dgos zer ba la/ zhu ba phul kyang ma nyan par/ nyang ro rtsib kyi thal la tshal du rje 'bangs 'thab pas/ long ngam thabs rten 'brel la mkhas pas/ rgyal po rang gi bod kyi ral gri la snga ba/ dgu zi glang po sna bya ba/ de klad la skor bas/ lha'i dmu thag chad/ lha nyams pas 'bangs kyi bkrongs/ spur de zangs kyi ga'ur bcug nas/ lci mda' zam kha nas/ nyang chu skya mo la bskyur btang bas/ rgyang mkhar pa tsha ru dgung zhag bdun dang / tshong 'dus mgur mo'i thad du gung zhag bcu gsum chags kyang / 'dzin mkhan med pas kong chu rlag tu khyer bas/ klu srin byed mo rje rigs mo'i bran mo/ klu srin bye ma lag ring / chu la nya bshor du phyin pas/ ga'u rnyed nas/ rje mo la phul bas bang mdzod du sbas so/ /de la stod kyi steng zer ro/ /rgyal bu gsum pos yab mes kyi bang mdzod na/ lha glang ru dkar bya ba'i/ glang 'phur shes gcig yod pa de la bzhon nas kong yul la bros so/ /de rnams kyi ma la long ngam kyis rta rdzi bcol/ lha gcig la chu ma bcol lo/ /ma des rta 'tsho ru phyin pas/ gnyid du song ba'i rmi lam du/ mi dkar po gcig dang bshos pa rmis/ gnyid sad pa dang sngas kha nas g.yag dkar po gcig langs song ngo / /zla ba brgyad song ba na/ khrag gi gong po lag mgo tsam gcig skyes/