[A:88]'di yi chad pa don mkhar mda' ru brtsigs/ de nas phul skyes brtsigs pa sogs mkhar yod/ gral ni khri gnyan bzung btsan g.yon na yod/ rgyal po gnam ri srong btsan la/ yum tshe spong bza' 'bri ma thod dkar gyi sras khri srong btsan ni/ me glang lo la/ pho brang byams pa mi 'gyur gyi gling du/ mes pho tho tho ri snyan btsan nas lo brgya dang dgu bcu go gcig song ba'i dus/ sku 'khrungs nas/ lo bcu gsum nas yab 'das/ lo de nyid la rgyal por mnga' gsol/ chab srid lo drug cu re bzhi bzung / 'di ni 'phags pa spyan ras gzigs dngos kha ba can du byon na nas/ gdul bya smin par mdzad pa'i phyir/ dam pa'i chos kyi srol gtod pa'i tshul gyis/ rgyal ba'i bstan pa bzung ste/ lha mo dri ma med pa'i mdo dang / dam pa dang po'i rgyud las lung bstan pa bzhin yin la/ bod kyi rgyal po lo bcu bzhi pa gcig gis/ rgyal srid chos bzhin du skyong gin 'dug ces pa'i snyan grags kyis/ 'dzam bu gling khyab ste/ phyogs bzhi'i rgyal pos/ nor khyad par can gyi skyes dang / yi ge bskur byung ba/ bod kyi rgyal po la/ skyes lan bskur rgyu'i nor yod kyang / kha 'phrin ma gtogs yi ge med pas/ bod la yi ge zhig ci nas kyang dgos pa 'dug dgongs nas/ thon mi a nu'i bu/ saM bho Ta mi chung bya ba blo gsal bas/ gser bskur nas rgya gar du yi ge dang chos slob tu btang bas/ mkhas pa li byin na re/ ngas yi ge bris rigs mi 'dra ba nyi shu shes pas/ rgyal po'i 'gram du rdo ring la yi ge bris yod pa bstan nas/ slob ma khyod gang 'dod zer ba la/ bod kyi yi ge'i lugs 'di bslabs/ /lo tsA yang mkhas par shes/ slob dpon dang paNDi ta/ shI la nan ta