[A:90]mtshams bcad/ yi ge dang chos bslabs so/ /mdo dkon mchog sprin la sogs pa thon mis spyan drangs pa rnams bod du bsgyur/ chos sgyur ba'i thog ma yin no/ /chab 'og thams cad la chos dang yi ge rgyas par spel cing / bod yig ga thog ma/ rgyal pos jo bo gtso 'khor gsum po'i bstod pa/ 'di brtsams nas lha sa zla ba'i brag la bskos nas phud du phul yod do/ /lha skyon gyi ma gos sku mdog dkar/ /rdzogs sangs rgyas kyi dbu rgyan can/ /thugs rje'i spyan gyis 'gro la gzigs/ /spyan ras gzigs la phyag 'tshal lo/ /thugs rje dang ni shes rab gnyis/ mnyam par sbyor ba'i thugs mnga' zhing / /phyag gnyis thugs kar thal mo sbyar/ /dpal ldan mnyam sbyar la phyag 'tshal/ /sangs rgyas kun gyi snying po'i gtso/ /gsang sngags rgyal po bgrang 'phreng ni/ /mu tig ltar dkar g.yas na 'dzin/ /rigs sngags 'chang la phyag 'tshal lo/ /'khor ba'i skyon gyi ma gos pa'i/ /padma shel gyi 'od pas gsal/ /padma dkar po g.yon na 'dzin/ /phyag na padma la phyag 'tshal/ /chos dbyings rnam dag dri ma med/ /zla ba'i 'od ltar rgyas pa'i yum/ /gzugs kyi lha mo yid 'ong ma/ /yi ge drug ma phyag 'tshal lo/ /mtha' yas yon tan gser mdog can/ /yid bzhin nor bu chen po ltar/ / sems can re ba skong mdzad pa'i/ /nor bu 'dzin pa phyag 'tshal lo/ /zhes pa'o/ /de dus rgyal po lo bzhir sgor ma byon pa des/ blon po rnams na re/ rgyal pos ci yang mi shes/ bod bde ba nged rnams kyis byas pa yin zer ba/ rgyal pos gsan nas glen par brtsi na/ bod mi thul ba dgongs nas rgyal po gcig pu gnas pas kun bde ba yin te/ sngon yang khrims med pas/ shes pa can bcu