[A:93]dge slong des rgya mtsho'i 'gram na sangs rgyas 'khor ba 'jig gi rang la rtsa ba zug gser thub kyi ring la lo 'dab rgyas/ 'od srung gi dus me tog shar/ shAkya thub pa'i dus na 'bras bu smin/ de'i steng la rtsa ba rul nas 'gyel ba bye mas non nas/ tsan dan sbrul gyi snying po'i khog nas/ dal pos mchod cig ces pa'i sgra dang bcas bcu gcig zhal sor bcu gnyis pa/ phyag bcu pa/ ma nu ka'i mdog lta bu/ lta bas chog mi shes pa zhig byon pa de dang / tsan dan gyi tshal pa zhig bye ma'i gling nas/ 'jag ma'i phon zhig po ta la'i 'dam nas me tog myu gu'i sdong po tshal pa zhig grong khyer ke ru'i mchod rten 'khor lo'i nang nas/ sangs rgyas 'khor ba 'jig dang / 'od srung / shAkya thub pa rnams kyi/ sku gdung ring bsrel de la bzhugs pas byang chub shing gi mchod sdong gsum/ gnas chen brgyad kyi bye ma/ chu bo nai ra dza na'i 'gram du sangs rgyas kyi lhung bzed na sa/ chu bo ba'i shul gyi bye ma/ rin po che sna gnyis rnams dge slong gi bsnams byon te/ mchod rdzas khyad par can bcu po de/ bod kyi rgyal po la phul bas/ thugs rab tu dgyes shing ngo mtshar bar gyur to/ /dge slong de yang rgyal po la g.yas phyogs su bskor ba byas te/ de'i smin mtshams su nub bo/ /de nas mchod g.yog la mtshan ldan ma bcu drug bskos te/ dus drug tu mchod pa phul cing / rgyal po rang lha'i drung nas 'ben gang mi 'da' sar bzhugs so/ /de nas yang rgyal po'i thugs la/ de bzhin rten khyed par can de 'dra gdan 'dren rgyu gar yod dgongs nas/ yi dam gyi lha de la gsol ba btab pas/ lha'i thugs ka nas 'od zer gsum 'phros pa bal yul gyi phar mtha'i lung pa gcig gi tsan dan gyi