[A:104]thog tshad la 'khor phyogs skyong dang bcas pa/ g.yab la stag 'brong sogs kyi sob dang/ gtsug lag khang mgon khang bcas thams cad la logs bris rgyas pa/ phyi sgor rgyal chen bzhi'i 'bur sku che ba sogs mdzad pas spyir las 'khyon che zhing/ 'ga' zhig la yang yang bzo dgos sogs shin tu 'gor che bas rje 'dis gsung las sde srid kyi mdzad pa 'di dkar phyogs kho nar 'dug kyang ha cang rang rgya che zhing bkod pa mang grags pas ci 'dra zhig 'ong ngam zhes yang yang gsungs pa dang/
'brug lo smin drug tshes gnyis la thub chen rgyab yol rab gnas dang/ 'go zla'i tshes bdun sogs nas thar phur 'gro gling theg gling rnams kyi gtsug lag khang rten bcas la rab gnas rim can dang/ jo gdan par gur mgon dang rnam sras phur pa bar zhal dang dkar bdud/ theg gling par ma ning dang phyag bzhi yul 'khor bsrung/ 'gro gling par phyag bzhi ber nag thar pa bar phyag drug trag shad rnams kyi rjes gnang mdzad cing/ gtsug lag khang yongs rdzogs zhal la gtad chog mdzad nas smin drug nyer gsum la rtse gdong du phebs te/ dbon drung la thugs dam kha gso'i dbang byin rlabs dang/ zhal ngo so sor bka' chos gdung brgyud la mtshan gsol/ mgon khang rnams su gsung