[A:107]de skabs zhabs 'bring pa bstan 'dzin lhun 'grub la mgon po me 'bar ma dang/ glang bu chos rje la bka' 'bum pod bzhi ma'i lung gnang 'gro yod pa de mdzad bzhed yod kyang sde srid kyi bkas glang bu bar zhu long ma byung bar bstan lhun la 'phro nyan pa legs gsungs pa la/ zhabs phyi dag gis slar glang bu ba dang lhan gcig gnang chog zhus pas/ da glang bu ba la byed dgos mi yong gsungs shing/ de skabs sku la snyun med kyang phyag rtsa mi bde ba zhig byung nas/ sku rim spong dag ltos chen rdzong nang gi dge 'dun stong phrag tsam la yang yang gnang/ mchod pa 'phar ma gshom gsungs shing/ mtshan mo yang mnal mi mdzad par bzhugs khrir phebs nas thugs dam dang zhabs skor sgron me'i 'od la ljags klog sogs mdzad do/ /
de nas bdag nyid chen po 'di zhing khams gzhan du phebs pa'i snga ltas gong du cung zad bshad pa de dag dang/ chu rta rta zla'i tshes gsum nas rtse gdong gi chos dung gsung mi 'byin zhing/ chu mig che chung rnams skam/ de dus rje 'dis bsod nams don 'grub sogs tshe 'das du ma la lam ston gsung bsngo rnams mdzad nas/ 'o cho ga de rnams tshar bas blo bde gsungs/ zhabs phyi rnams kyis sku rim nar mar sgrub kyang sku nyams je chung du song