[A:112]mtho ba dang sku tshigs lo zla dus dran gyi mchod par dgon sde mang por mang 'gyed mdzad/
dngul gdung rin po che ring bsrel rnam bzhi'i snying po can rtse gdong srid gsum rnam rgyal gyi gtsang khang mthil du bzhugs pa la mgo zla'i tshes bzhi'i nyin lhag gnas kyi me tog gtor te snyan dar mchod tshogs rgya chen pos mchod cing zla mchod rnal 'byor ma'i sgrub mchod dang bla mchod/ lo dus kyi mchod par kyai rdor sgrub mchod zhag bdun rnams sgrub pa ste/ de thams cad dbon rin po che sku mched dang phyag mdzod kun dga' legs pas dad gus chen po'i ngang nas sgrub pa yin no/ /
de ltar bdag nyid chen po 'dis sku tshe hril por 'chad nyan kho na mdzad pas zhal slob nor 'dzin dpal mo'i rdul snyed bzhugs pa rnams las/ cung zad tsam zhig smos na/ gcung rin po che 'jig rten dbang phyug gdung brgyud gsum dang bcas pa/ zhabs drung sgar chen dang/ 'jam mgon a mes zhabs/ thub bstan mkhan chen byams pa rab brtan dang/ chos 'od zer/ thams cad mkhyen pa ngag dbang chos grags/ shar chen kun dga' bkra shis dang shes rab 'byung gnas/ mkhas grub dpal ldan don grub/ brang ti nam mkha' sangs rgyas/ thub