[A:118]'jam dbyangs kyi rjes gnang sogs dang/ sa chog nas brtsams te dbang gi mngon par rtogs pa bdun ldan gyi sgo nas kyai rdor rgyu dbang dang/ gzhan yang dbang rjes gnang lung man ngag du ma gsan/
dgung lo drug pa sgrol byed kyi lo sa ga'i bcu gcig nas zla ba bzhi'i ring gsung ngag smin grol lung bcas tshang ma gsan/
dgung lo bdun pa sa skyong gi lo sbyongs dkyil bcu gnyis/ kyai rdor gzhung 'grel la brten pa gsum rnams kyi dbang dang/ sgrub thabs brgya rgyam gyi rjes gnang/ de'i rgya bod kyi yig skor gyi lung rnams gsan/ bdag chen khu bo las phur dbang gsan te me khyi dgung lo brgyad par phur sgrub la byon par 'chams sogs brda' bstan pa tsam gyis mkhyen te 'chams sbyong skabs 'chams dpon mdzad/ mi 'jigs spobs pas 'chams dang 'chams skad thams cad 'khrul med dang/ dngos gzhi'i tshe bdag chen khu bo dang yab gnyis 'chams dpon du phebs pa'i 'chams sne ba sku chung ngu des mdzad pa na/ mkhas dbang bstan pa'i rdo rje sogs mchog dman thams cad ha las te/ 'di 'dra ngo mtshar can yin pa 'dug zhes snyan grags kyis khyab/ ston ka rje bstan rdor las gsang 'dus 'phags lugs dang/ gur sam sogs kyi