[A:138]sogs dang/ sku 'dra dngul gdung dang bcas par rgyud sde nas bshad pa'i gzungs cha tshang/ ring bsrel sogs bla ma gong ma'i byin rten gyis phyur bur gtams pa'i nang bzhugs phun sum tshogs pa dang/ de rnams la mchod rdzas gos bzang bsgrigs kyi bla bre/ 'phan/ gdugs/ rgyal mtshan snyan dar sogs dang/ gsol lcogs zhal dkar stegs bcas dbang chas sogs mchod rdzas bsam gyis mi khyab pa phul te/ rab tu gnas pa legs par mdzad do/ /
yang lo de nang du rje btsun de nyid kyi dgongs rdzogs su/ rig 'dzin brgyud pa lha mgron dang bcas par gras thang nyer bdun gong gsham zhal khebs tog bcas khyad mtshar du bskrun te rje nyid dpon slob bcu gsum skor gyis rab gnas rgyas par mdzad/ rten bzhengs gegs med du grub pa'i chos skyong rnams la gtang rag gsung bskang rgyas par mdzad do/ /
khyi lo zla ba gnyis pa'i nang du a lu chos rje bsod nams bstan 'dzin bzang po dpon slob drug cu skor 'byor te/ chos sder mang 'gyed/ gong ma rin po cher bsngo rten 'bul ba tshad med phul/ kyai rdor/ phur pa stod las/ smad las/ kun rig tshe dpag med lha dgu rnams kyi dbang dang/ rjes gnang skor blo