[A:13]dkar mor chos kyi rgyal mtshan kun dga' legs/
lha khang bla brang pa yi gdung rabs so/ /
dus mchod bla brang gi gdung rabs/
de nas dus mchod bla brang gdung rabs ni/
lung phud lnga pa re mda' nyi rin la/
nyi dpal lcam gcig kun dga' legs 'byung gsum/
phyi ma yab rje zhe bdun sa sprer bltams/
nyer dgu me byir gshegs de'i bla slob rnams/
mi gsal btsun dang gung thang kun skyong mar/
lcam gcig gnyis pa ngam ring dge 'bum mar/
bsod nams blo gros sku 'bring chung ngur gshegs/
grags pa rgyal mtshan rnam gsum byon pa las/
grags rgyal yab rje gshegs pa'i me byir bltams/
zhe gnyis sa sbrul gshegs des chos rje dang/
gcen dang brag phug mnyam med la sogs bsten/
zhal slob mi gsal btsun dang lha ring mar/
kun dga' legs blo rnam sras rgyal mtshan mched/
gnyis pa stag tshang sras 'dren chos rgyal yum/
rnam sras rgyal mtshan yab rje nyer lnga pa/
lcags byir 'khrungs shing zhe dgu sa