[A:༡༣]དཀར་མོར་ཆོས་ཀྱི་རྒྱལ་མཚན་ཀུན་དགའ་ལེགས།
ལྷ་ཁང་བླ་བྲང་པ་ཡི་གདུང་རབས་སོ། །
དུས་མཆོད་བླ་བྲང་གི་གདུང་རབས།
དེ་ནས་དུས་མཆོད་བླ་བྲང་གདུང་རབས་ནི།
ལུང་ཕུད་ལྔ་པ་རེ་མདའ་ཉི་རིན་ལ།
ཉི་དཔལ་ལྕམ་གཅིག་ཀུན་དགའ་ལེགས་འབྱུང་གསུམ།
ཕྱི་མ་ཡབ་རྗེ་ཞེ་བདུན་ས་སྤྲེར་བལྟམས།
ཉེར་དགུ་མེ་བྱིར་གཤེགས་དེའི་བླ་སློབ་རྣམས།
མི་གསལ་བཙུན་དང་གུང་ཐང་ཀུན་སྐྱོང་མར།
ལྕམ་གཅིག་གཉིས་པ་ངམ་རིང་དགེ་འབུམ་མར།
བསོད་ནམས་བློ་གྲོས་སྐུ་འབྲིང་ཆུང་ངུར་གཤེགས།
གྲགས་པ་རྒྱལ་མཚན་རྣམ་གསུམ་བྱོན་པ་ལས།
གྲགས་རྒྱལ་ཡབ་རྗེ་གཤེགས་པའི་མེ་བྱིར་བལྟམས།
ཞེ་གཉིས་ས་སྦྲུལ་གཤེགས་དེས་ཆོས་རྗེ་དང།
གཅེན་དང་བྲག་ཕུག་མཉམ་མེད་ལ་སོགས་བསྟེན།
ཞལ་སློབ་མི་གསལ་བཙུན་དང་ལྷ་རིང་མར།
ཀུན་དགའ་ལེགས་བློ་རྣམ་སྲས་རྒྱལ་མཚན་མཆེད།
གཉིས་པ་སྟག་ཚང་སྲས་འདྲེན་ཆོས་རྒྱལ་ཡུམ།
རྣམ་སྲས་རྒྱལ་མཚན་ཡབ་རྗེ་ཉེར་ལྔ་པ།
ལྕགས་བྱིར་འཁྲུངས་ཤིང་ཞེ་དགུ་ས་