[A:144]'tshams gnang nas so sor log rjes/ de 'phral khu dbon mjal 'dzom la phebs nas/ gang ci'i gsung gleng zhib rgyas mdzad do/ /
de nas chings khag zhal ngo tshang mas sems can bde thabs kyi bka' gros kyi 'go btsugs/ gnam gang la chings khag tshang ma sku 'khor nyung bsdus dang bcas zhabs thang dka' tshegs la ma gzigs par shar nang du phebs/ btsan gdong dbu mdzad dmag dang bcas 'byor/ zhag bco brgyad bar der bzhugs nas 'dzom rgyas lan gsum tsam byas/ chu gzar du bzhugs skabs rje nyid gur drag gi skur bzhengs pas/ gnas de'i gzhi bdag 'o dod bdud po zer ba de dam la btags/ lha chen brag skyes sogs mon phyogs kyi gzhi bdag phal che bas phrin las sgrub par khas blangs/
khrums zla'i tshes brgyad la 'brug sku tshab dang 'dzoms rgyas skabs zhu chings ha lam 'grig ngo dod/ rgyal dbang thams cad mkhyen gzigs mchog dang 'brug gzhung gnyis nas chings khag bla dpon rnams 'o brgyal bas ci gsung gyis gsungs pa nas/ sa rta rgyal zla brtsegs pa'i tshes lnga'i nyin 'brug pa'i sku tshab rnams dang dmag mi dos skyel 'u lag bcas byung bar/ 'brug