[A:147]phebs te/ bla ma bsod nams rab rgyas sogs la sgrub thabs brgya rtsa/ kun rig tshe dpag med/ rnam 'joms/ lha brgyad/ dkar bdud rjes gnang/ gtor ma brgya rtsa/ chab klu/ 'pho ba sogs kyi lung gnang zhing/ bla ma bsod nams rab rgyas khams phyogs 'bul dpon du bskos/ de nas mon phyogs sku tshab rnams 'byor ba'i stabs/ khrums zla'i nyer brgyad la chibs kha bsgyur zhing rim gyis phag rir phebs/
rgyal zla'i tshes bco lnga la sprel mo'i la rtsa brag stod rgod por gzhung 'brug gi sku tshab rnams 'dzoms nyin chod yig thebs nas gzhung 'brug gnyis nas chings khag zhal ngo thun mong du legs so rgya cher phul/ nyi shu la phag rir phebs/ nyer gnyis la gdan sar chibs kha bsgyur/ rgya rong brgyud gur pa grwa tshang gi ser phreng sogs kyis bsus te zhag gnyis bzhugs/ zha lu pa chen po dang mjal zhing 'jam dbyangs dmar ser gyi rjes gnang stsal/ zha lu pa chen pos tshe dbang lcags sdong ma dang/ brtan bzhugs 'bul bar mdzad de rim gyis rnam rta chen sogs brgyud gdan sar phebs skabs zhal ngo rnams kyis phebs bsu ser phreng sogs mdzad/
sa lug rta zla'i tshes gsum la pho brang lhun rtser phebs nas