[A:178]'dun ma dang gling dkar rdzong dpon sogs skye bo'i tshogs la chos char phab/ mdor na byang phyir 'brog chos kyi sgra mi thos pa rnams la chos kyi sgron me sbar te sangs rgyas kyi bstan pa rgyas par mdzad do/ /
de nas rim bzhin dbyug zla'i nyer lnga'i nyin gcung rgyan mchog rin po ches gtso mdzad lha sde mi sdes phebs bsu/ 'dus tsogs kyi ser phreng bcas gdan sa chen por phebs so/ de nas rgyan mchog rin po che/ gdung brgyud sku mched sogs gzhis bzhugs rnams la sku 'khyos dang 'dus tshogs su mang ja 'gyed bcas/ phyogs dgon ngor thub bstan sogs sa dge rnying 'brug karma pa sogs ris med kyi dgon gnas nye skor tshang mar mang ja 'gyed bcas gzab rgyas stsal/ nA lendra'i grwa rgyun rnams la so thar sdom pa 'bogs pa/ tshe dbang kun rig dbang sogs dang / ngor dang thub bstan gyi khams 'gros pa 'ga' la'ang dbang dang rjes gnang lung sogs gnang / drug cu pa'i tshogs dpon mdzad cing / phyag mdzod mtshungs med nas nyid kyi zhabs brtan du phur sgrub zhag bdun sgrub pa'i tshogs dbur phebs/
rgyal zla'i tshes brgyad nas nyer gsum bar lhun rtse'i mgon khang gtor spod du phebs/ 'dus tshogs su bka' 'gyur gsung