[A:182]ru/ rigs gsum mgon po/ kyai rdor/ phur ba/ yang dag mi g.yo ba/ sgrol ma/ gtsug tor rnam rgyal/ gdugs dkar/ mgon po la sogs pa'i gzungs sngags mang du brkos/ gzhan yang dpon g.yog ser skya tshang ma'i sku gsung thugs kyi rten tu mang bar brkos pa'i ya mtshan du byed pa byung ba yang rje nyid la chos srung rnams kyis rdo gter phul ba gdon mi za zhing / rdo brkos gnyis la yang gnang sbyin mgu bar stsal lo/ /
de yan gyi thub bstan pa byams pa lhun grub kyis mdzad pa'i rje 'di'i rnam thar le tshan gsum las 'byung ba bzhin bstan zin nas de'i 'phro ni/ de dus phyag mdzod mtshungs med dang / chos dkar gnyis kyi thog skabs shig khri chen gong ma nyid kyi zhabs phyir ru gnyer rdo rje lhun grub khrid de dpon g.yog gnyis kyis lhun rtser bcad rgya mdzad yod tshul gyi zab phu mjal bar gsang stabs kyis phebs zab bu gter lung du sgrub pa mdzad skabs gsol chas rnams shin tu bkren par byung mus/ rin sgang gi grwa pa gsum tsam zhig gi zab bu mjal bar phyin pas khong rnams zab bu mthil du 'byor bstun zab bu mthil pa rnams kyis/ rtse gdong gong ma gter lung na sku mtshams la bzhugs yod pas rtse gdong pa 'dra byung tshe gter lung du shog zhes lon