[A:189]rdzogs dang / sgrub thabs brgya rtsa la sogs pa rjes gnang mtha' yas par gsan zhing / gzhan yang ngag dbang bstan pa'i rdo rje sogs khri chen bsod nams bstan 'dzin dbang po'i dbu'i cod pan du gyur pa rnams la'ang chos rnams gsan cing / yi dam chos srung gi ljags bsnyen kha shas mthar phyin/ gong ma na rim gyi thugs dam rten rdo rje gzhon nu'i sku gtsor bzhugs kyi gong ma lnga'i gser sku byin can rnams dang / da lta rin sgang na bzhugs pa'i lam 'bras bla brgyud kyi sku sman 'dam las grub pa sogs rgya chen bzhengs pa dang / stag lung pa'i sras mo bkra shis tshe ring dbang phyug khab tu bzhes/ gzhan la dbang lung man ngag 'chad pa dang/ sgrub mchod bskang ba gtor bzlog sogs gong ma rnams kyi phyag rgyun bzhin mdzad/ bstan gegs kyi yab yum thugs ma mthun par tsho gnyis su bzhugs dgos byung bas yab kyi phyag mdzod kun blo dang sras yum gyi phyag mdzod kun dga' don grub kyis byas rjes mi ring bar yum bkra shis tshe ring dbang phyug gshegs/ de nas kun blo'ang 'das pa btsan du skyes te da lta btsan rgod du grags pa bar skabs su rtse gdong par phan shin tu thogs pa byung / 'das tshab rgyal khang bkra shis bstan pa bsko bar mdzad do/ /