[A:18]las yab rje zhe bdun chu phag lor/
sngags 'chang grags pa blo gros zhes bya'am/
mtshan gzhan bsod nams rgyal mtshan 'khrungs nas lo/
nga lnga bar bzhugs me sbrul gshegs de yis/
yab dang gcen po spyan snga dkon rgyam dang/
thar rtse paN chen sogs bsten zhal slob ni/
nor 'dzin ma 'di ngal bar ma gyur ram/
btsun mo byang bdag lha sras bsod nams ni/
rgyal mo'i mtshan las sras gnyis chung ngur gshegs/
gsum pa sgar chen mthu stobs dbang phyug dang/
bzhi pa chung ngur gshegs shing lnga pa ni/
sngags 'chang kun dga' dbang rgyal drug pa ni/
sngags 'chang chos kyi rgyal po'i chos srid bstan/
spel la bsam bzhin byon pa'i a mes zhabs/
mtshan dngos ngag dbang kun dga' bsod nams dang/
grags pa rgyal mtshan dpal bzang po zhes pa'i/
snyan pas kun yid 'phrog des yab rje mchog/
so lnga me bya lor bltams re gsum pa/
sa phag bar bzhugs khu bo sku mched dang/
rtse gdong bsod nams lhun grub gcen po gnyis/
gcig chog mus chen sangs rgyas rgyal mtshan dang/
thar rtse paN chen spyan snga kun dga' don/
nags dgon sbyin grags 'bum chen kun dga' dpal/
dbang phyug rab brtan ngag