[A:194]chen gyi mkhan rin po che bsam gtan lhun po la/ khyed mus chen sangs rgyas rgyal mtshan gyi sku skye yin pas kho bos gral 'gor bzhugs gsungs pa sogs 'jam mgon a mes zhabs kyi rnam sprul du zhal gyi bzhes shing / a mes zhabs kyi yol mo sprul sku rin po che bstan 'dzin nor bu la gsung brtag zhu bar mdzad pa'i mkha' 'gro'i gsang lung du/ sbas tshul gyi yang srid gnyis phebs par gsungs pa'i gcig 'di yin zhing / gcig yab rje rdo rje 'chang ratna'i mtshan can yin par kho bos gdung rabs gsol 'debs kha skong lhun grub rgyun skyong su smos pa ltar ro/ /
de dus bzhugs tsher du lha bsangs rgyas pa zhig mdzad de de'i chas sogs nyer mkho rnams zhag shas bar ma bsdu zhig gsungs kyang / gzhan dbang gi blo bur du bsdus pas yab rje so bdun gyi skabs zhing khams brjes pa sogs ma 'ongs pa'i rten 'brel de ltar du gyur/ mthar dgung grangs nyer bzhir phebs phebs skabs khri chen gong ma gzhan don la dgogs pa'i dgongs rdzogs rdo rje gzhon nu'i dkyil 'khor sgrub mchod tshugs pa'i tshes gsum gyi tho rengs mnal lam du o rgyan mkha' 'gro'i gling du dpa' bo mkha' 'gro'i tshogs kyi khrod na khri chen de nyid khri stan mthon po'i steng na bzhugs shing da dung khri stong pa zhig kyang 'dug pa las khri