[A:198]rgyugs 'bul mdzad pas thugs ha las/ 'jam dbyangs dngos su rang phebs 'dug gsungs shing legs 'bul sogs rgya spom che bar gnang zhing / gong du bshad pa ltar gzhon nu nas gcen dang lhan cig gong sa rdo rje 'chang lnga pa chen por dbu phud phul zhing dbu bla rnams kyang phal cher gcen dang mtshungs/ mdo sngags rig gnas sgra tshad sogs gang la'ang phyag thogs med pa'i mkhas pa chen par gyur/ lkog gyur thogs med du mkhyen cing grub pa'i mtshan ma yang mang du brnyes/ lhag par 'jam dbyangs a ra pa tsa na'i ljags bsnyen mdzad skabasarje btsun sa skya pa chen po kun dga' snying po mngon sum du zhal gzigs/ sa phyogs 'dir rang re'i bstan pa 'di ni mthar thug pa yin pas da ni gnas dang chos lugs sde dgon bcas par chags pa spongs shig zhes sogs zhal lta lung bstan gnang zhing / khyod skye bar phyi mar rje btsun 'jam pa'i dbyangs kyi zhal mthong ste rjes su 'dzin par gyur ro/ /zhes dbugs dbyung thob pa dang/ gter ston bdud 'dul gling pa rdo rje gro lod rtsal gyi lung byang las/ g.yu sgra snying po'i skye ba bcu gsum pa/ /nor bu'i mi can de la gtad rgya gyis/ /zhes g.yu sgra'i rnam sprul du gsungs shing / snye mo bya sgo ba'i sras mo tshe ring bu khrid khab tu bzhes/