[A:209]shing/ dus chen rnams la'ang 'ja' gur dang me tog gi char 'babs pa sogs yun ring po'i bar du byung / de nyid kyi zur sras bkra shis lhun por bzhugs par sog pos 'o brgyal zhus pa las skyobs phyir paN chen thams chad mkhyen par zhu rten 'phags pa rin po che'i phyag ting sems nyid ngal sor grags pa phul zhing mthar rta nag gro khud 'bum par gshegs so/ /
de nas nor bu rgyal mtshan po ta lar bzhugs skabs 'gro ba'i las dbang gi mchod yon nyi zla zung gcig gi chos srid la 'pho 'gyur gyi rgyal dbang tshangs dbyangs rgya mtsho dang / de mo gong ma rin po che zhabs drung nyid dang bcas la rgyal po lha bzang nas dpung 'jug gis tshangs dbyangs rgya mtsho dang de mo gong ma rin po che bcas rgyar phebs dgos byung zhing / zhabs drung nyid rgyud smad pa'i chos grwar yib nas bzhugs pas/ grwa pa zhig gis khyed gang nas yin/ nga'i shag tu phebs zhes yang yang zer bar brten de'i shag tu phebs te zhag shas bzhugs/ de nas zhabs phyir gsol dpon sangs rgyas/ bstan 'dzin kun bzang / gzim dpon rdor don/ ma chen 'dzam gling / nor bu rin chen dang bcas dpon g.yog rnams kyis rgyal zhabs tshangs dbyangs rgya mtsho dang / de mo gong ma'i phebs rjes e non dgongs