[A:21]rab brtan stag rtse ba/
byams pa lha dbang rig rigs 'dzin mchod dpon pa/
dkon mchog rgyal po sgro lung mang thos dang/
bsod nams chos 'phel zhes grags gong dkar ba/
blo gros dbang phyug ngor chen bsod nams bzang/
thar rtse rdo rje 'chang dang thub bstan pa/
byams pa tshul khrims bzang po gdan sa che'i/
mkhan chen dbang phyug phun tshogs dza lung pa/
phrin las rdo rje gsang sngags bstan 'phel sogs/
dam pa nyer bsten zab don bang mdzod 'dzin/
thar rtse rje dang gnas gsar rdo rje 'chang/
brag rtsa rje sogs bstan 'dzin grangs med bskrun/
mgon de'i btsun mo snga ma bzhad chos ma'i/
sras gnyis chung ngur gshegs shing phyi ma ni/
nam yang bka' drin 'khor med 'gro mgon ma/
bsod nams dpal gyi dbang mor bdag cag gi/
a lce gnyis dang dkor zan rang nyid dang/
nu bo sring mo nu bo sring mor bcas/
bdun las drug pa'i lcam ni lcags zam pa/
sgar pa'i sras mo bkra shis dbyangs can las/
'chi med bstan pa'i nyi ma 'di nyid do/ /
gsum pa dkor zan kun blo nga rgyal can/
yab rje nyer lnga sa byar skyes nas ni/
mkhas grub gdan sa'i ming 'dzin rang lo ni/
bcu gsum nas bzung da lta nga gsum pa/