[A:༢༡]རབ་བརྟན་སྟག་རྩེ་བ།
བྱམས་པ་ལྷ་དབང་རིག་རིགས་་འཛིན་མཆོད་དཔོན་པ།
དཀོན་མཆོག་རྒྱལ་པོ་སྒྲོ་ལུང་མང་ཐོས་དང།
བསོད་ནམས་ཆོས་འཕེལ་ཞེས་གྲགས་གོང་དཀར་བ།
བློ་གྲོས་དབང་ཕྱུག་ངོར་ཆེན་བསོད་ནམས་བཟང།
ཐར་རྩེ་རྡོ་རྗེ་འཆང་དང་ཐུབ་བསྟན་པ།
བྱམས་པ་ཚུལ་ཁྲིམས་བཟང་པོ་གདན་ས་ཆེའི།
མཁན་ཆེན་དབང་ཕྱུག་ཕུན་ཚོགས་ཛ་ལུང་པ།
ཕྲིན་ལས་རྡོ་རྗེ་གསང་སྔགས་བསྟན་འཕེལ་སོགས།
དམ་པ་ཉེར་བསྟེན་ཟབ་དོན་བང་མཛོད་འཛིན།
ཐར་རྩེ་རྗེ་དང་གནས་གསར་རྡོ་རྗེ་འཆང།
བྲག་རྩ་རྗེ་སོགས་བསྟན་འཛིན་གྲངས་མེད་བསྐྲུན།
མགོན་དེའི་བཙུན་མོ་སྔ་མ་བཞད་ཆོས་མའི།
སྲས་གཉིས་ཆུང་ངུར་གཤེགས་ཤིང་ཕྱི་མ་ནི།
ནམ་ཡང་བཀའ་དྲིན་འཁོར་མེད་འགྲོ་མགོན་མ།
བསོད་ནམས་དཔལ་གྱི་དབང་མོར་བདག་ཅག་གི།
ཨ་ལྕེ་གཉིས་དང་དཀོར་ཟན་རང་ཉིད་དང།
ནུ་བོ་སྲིང་མོ་ནུ་བོ་སྲིང་མོར་བཅས།
བདུན་ལས་དྲུག་པའི་ལྕམ་ནི་ལྕགས་ཟམ་པ།
སྒར་པའི་སྲས་མོ་བཀྲ་ཤིས་དབྱངས་ཅན་ལས།
འཆི་མེད་བསྟན་པའི་ཉི་མ་འདི་ཉིད་དོ། །
གསུམ་པ་དཀོར་ཟན་ཀུན་བློ་ང་རྒྱལ་ཅན།
ཡབ་རྗེ་ཉེར་ལྔ་ས་བྱར་སྐྱེས་ནས་ནི།
མཁས་གྲུབ་གདན་སའི་མིང་འཛིན་རང་ལོ་ནི།
བཅུ་གསུམ་ནས་བཟུང་ད་ལྟ་ང་གསུམ་པ།