[A:243]dgungs grangs so bdun pa horazla gsum pa'i dus tshes dge bar chibs btegs te ka bzhi dgon pas skyel thung dang bcas rim pas nyag rong gru brgyud/ li thang du nye bar phebs tshe li thang dpon de thor pa'i nad kyis grongs pa rje nyid sngar phebs skabs yon bdag rnying pa yin pas thugs smon dang thugs bskyed kyis mtshams sbyar te kho rang gi kha chems su bdag gi 'pho 'debs de bdag chen mthu sdobs zhabs drung la zhus byas pa ltar gdan 'dren 'byor bar sgar dmangs hor chu tshur ka thang dkar du bzhag rags bsdus zhig 'brum nad la the tshom med par myur du phebs nas shi gson gyis re ba rdzogs par rjes su bzung 'ja' sa dpon gyis gdan drangs par phebs/ khrom chen la 'byung 'dul dang tshe dbang sogs gnang bas 'brum pa rbad kyis chad pas yul phyogs de ha las pas dad spro thob/ slar sgar thog tu phebs/ thang dkar bla ma 'phrin las pas gsol ba btab ngor chos 'khor mang du bskor/ de nas chibs btegs te ljang rdzong dkar por phebs/ yul de'i jag mi rnams kyis gus pas btud par phyag rdor la sogs pa'i dbang bka' gnang / de nas rim par bka' phur phebs/ de kha'i mgon khang du gsung bskang gnang skabs dpal mgon nag po chen po'i zhal nas/ da lo