[A:245]zhig gis rbab de bar lam nas blangs te chu rongs la 'phangs/
de nas tsha ba'i sgang du phyag phebs 'brong pa dpon sogs kyis bsnyen bkur phun sum tshogs pa zhus gshed dmar la sogs pa'i zab chos 'ga' zhig kyang stsal/ khra rgan phug tu phebs tshe sa dkar/ 'dam thog gnas nang gis gtsos pa'i lha sde mi sde kun gyis bzhugs dgos kyi nan bshol zhus kyang ma gsan par shar gyis phebs/ lho rong rdzong nas sde pas bsnyen bkur legs par zhus lam skabs dge lugs dgon pa 'ga' la'ang mang bskol gnang / tshal brag dgon pa'i zhing khar rta drel shor ba'i rkyen gyis sgar dgon 'thab 'dzing thug kyang / sgar pa'i grwa rigs rnams bla ma lha yis skyabs te cang ma skyon/ dgon pa'i grwa pa gsum tsam la rdo sogs thebs pa byung yang slar bshags pa'i tshul du gdan drangs nas zhabs tog zhus/ de nas khams stod lcags ra dpal 'bar du phebs/ dge ldan pa'i yon bdag dbang drag gis bsnyen bkur 'bul ba rgya cher zhus/ tshe dbang sogs kyi 'dod chos gnang /
de nas gong la brgyud rim pas rdza la'i rtsar phebs tshe khams kyi gzhi bdag rnams kyi sgor bsgyil gyi tshul du kha bas phebs dka' tsam byung / de nas jo mo snar mang bskol gnang / lba