[A:250]gsang ngag chen po/ 'jam dbyangs bsod nams dbang po/ mus chen sangs rgyas rgyal mtshan/ bla brang bzhi thog chen mo'i steng char yab rje grags pa blo gros dang / g.yas su ngag dbang mtshan can/ g.yon du rgyal yum chen mo sogs gsal por gzigs shing thugs nyams shin tu spro bas/ rdo rje'i nyams dbyangs kyang mdzad/ de nas bzhi thog tu sku mched zhal 'dzom phebs spro dga' ston dang bzhugs gnas phun tshogs gling du gnang / lha khang chen mor ka khongs gcig gi mtha' grur mnyam pa'i bla bre dang sil snyan tshangs dbyangs 'brug sgras mtshon/ gzhan yang gtsug lag khang thams cad la gos dar gyi 'phan dang gnam rgyan sogs shin tu mang po dang / khyad par du mgon khang gong 'og bsam brling bcas rdo rje'i chos srung rnams la gtang rag gi gsol mchod spyan gzigs rgyas par stsal/ phyag rdzas khyad nor gang yod thams cad gdan sa nyid du gnang / dge 'dun 'dus pa'i tshogs la yang mang skol ja 'gyed gos 'gyed sogs dpag tu med pa gnang /
skabs 'dir 'jam mgon a mes zhabs dang / rnam 'dren kun dga' don grub/ mkhan chen rin chen rgyal mtshan rnams las zab rgyas chos kyi bdud rtsi dpag tu med pa yang