[A:261]bzhes ston 'bul ba rgya cher zhus ras chung tshe dbang sogs chos sbyin bstsal/ e ru phebs tshe gnyer pa blo bzang sogs phebs bsur 'byor/ sang dkar leb dgon pa sogs kyis ser phreng bcas pas mdun bsus te gzhis kar phebs/
de na sngon dus snga phyir thugs kyi dam bca' yod pa bzhin sprul pa'i bzo bo dzi na zhes pa'i sku brnyan bzo khyad 'phags shing myur du grub pa dang / la na bkra shis zhes pas rgyal mtshan/ dung chen sogs bzo khyad phun sum tshogs pa bsgrubs/ gzhan yang tshe dbang grub rgyal dang / rta mgrin/ 'byung 'dul/ sgrol dkar sogs rjes gnang chos sbyin mang du stsal/ khyab bdag byams pa phun tshogs gdan drangs nas bka' chos rgya cher gsan/
de nas dbus phyogs su chibs bsgyur lam bar ar po sogs grang ngar che yang dbyar sgang ltar dro bas thams cad ngo mtshar skyes/ ngam ring nas gdan 'dren 'byor ba bzhin zhal gyis bzhes te rim gyis phebs par/ dgun chos skabs yin pas sa dge'i dge 'dun sum stong drug brgyas ser phreng gis mdun bsus/ 'bul ba bsnyen bkur dpag med zhus/ phar yang mang 'gyed dang bka' chos rgya cher stsal/