[A:276]sde chen po'i khrir phebs bstan pa'i me ro legs par gsos/
'di skabasakyang sde srid nas 'phral dgos kyi yo byad rgyas pa dang bcas gnas chen rnams la rab gnas zhal gso mdzad par zhus pa bzhin/ lha sa jo zhal rnam gnyis kyi mdun du mchod sprin dang bcas bden smon sogs zhib par stsal/ phyogs der than pas nyen pa rnams kyis gsol bar btab ngor bden brjod mdzad pas char rgyun nyin zhag gsum babs/ jo bo'i sku mdun dkyil 'khor sdings du rgyud sde'i yang snying phur par brten pa'i bzlog chog mdzad pa'i gtor rdzong gi nyin thebs rtags ya mtshan pa byung / de ga'i khyams gra chen mor dgyes rdor la brten pa'i zhi rgyas kyi sbyin sreg gnang tshe 'od zer 'phro ba'i lha rnams las ngo mtshar ba'i ltas byung / chos sbyin yang rgya cher stsal/ zhabs skor gnang tshe nam mkha' la 'ja' 'od dang me tog gi char pa mthun grub tu byung / rim pas chos kyi 'khor lo bskor bzhin pas 'phan yul glang thang / sman rtse / bde chen rdzong / zhang gi gnas chen/ yang rdzong shel phug rnams su mchod sprin zhal gso rab gnas mdzad/ shel phug tu phyag rjes shig kyang stsal/ de nas dpal gyi bsam yas su lha mi'i bsu ba dang bcas phebs pho brang gong du bzhugs/ lha mi'i dam tshig gi 'brel pas char rgyun