[A:279]mdzod sgo phye ba'i skabs rje de nyid mchod yul gyi gtso bor gdan 'dren zhu bar mdzad/ rab rgyas phrin las gling pas sngags kyi phyag len mtha' dag zhus pa gnang skabs ngo mtshar ba'i ltas byung / skyed lhas su gtor 'bul 'phrin bcol rgyas pa dang / byas 'gyur dang khru ma lha khang du'ang mchod 'bul smon lam rgya cher stsal nas bde mchog tu phebs/ sngags 'chang chos kyi rgyal po'i dus mchod phur sgrub 'cham sogs rgyas par sku mched lhan cig spro bar mdzad/ 'dren mchog kun dga' don grub las chos bka' rgya cher gsan/
dus tshes dge bar mgon khang nye 'gyangs rnams su bskang gso snyan shal sogs phul nas slar yang dbus phyogs la chibs bteg chos rdzong du 'jam mgon bsod nams dbang po'i gzim chung mgon khang bcas la phyag mchod smon lam gnang / dar lung gnyen gyi pho brang du sde srid kyi sku rim phur bzlog dge sding du phebs/ dben gnas ti ri mjal/ rab rgyas phrin gling pas bsnyen bkur zhus/ snar thang byams pa la snyan shal phul/ bstan pa gso ba'i cho ga dang shis brjod mdzad/ dong rtse'i sa ru sde srid chibs bsur 'byor ba dang yon mchod lhan cig phebs/ gtsug lag khang dang dgon gnas gsar pa la me tog dor/ 'dren