[A:287]bar/ sems kyis sdug sgur bskyed de thang gcig bshol/ / zhes sogs skye 'chi la rang dbang thob pas bstan 'gro'i don 'bad med du mdzad pa sogs dad ldan bskal bzang rnams kyis zhib tu rtogs par 'dod na rje 'di nyid kyi lam glu ring mo ma bu rnams las shes par bya'o/ /
kun dga' dbang rgyal/
de'i gcung kun dga' dbang rgyal ni yab dgung lo sum cu pa chu 'brug la bstams/ dgung lo bcu gcig pa chu stag lor khrir 'don mdzad/ bcu gsum par phur sgrub la phebs/ bco lnga par bsod nams dbang po'i zhabs drung du sgrub thabs brgya rgyam/ sa lo/ sngags 'chang/ bsod nams dbang po rnams kyi bka' 'bum dang rtsa rgyud brtag gnyis kyis lung / bcu drug la byas 'gyur du bsod nams dbang po la lam 'bras gsan/ bcu bdun par byas 'gyur du kyai rdor gzhi bsnyen sbyin sreg dang bcas pa dang bcu dgu par bde mchog tu phur bsnyen mdzad/ nyi shu par gcung a mes zhabs dang lhan du gdan sar phebs te bdag po dgra 'dul drung la bka' chos kha shas gnang / yab rje