[A:289]ngag dbang kun dga' bsod nams/
sku'i mched zla gsum pa bstan 'gro spyi dang bye brag la phan dang bde ba'i 'phrin las kyi rgyun rlabs po che spel ba'i sku drin can mkhas dang grub pa'i dbang phyug 'jam pa'i dbyangs sngags 'chang bla ma thams cad mkhyen pa ngag dbang kun dga' bsod nams grags pa rgyal mtshan dpal bzang po zhes mtshan snyan lha'i rnga gsang srid pa'i khongs su ldir ba de nyid ni/ spyir gyi rigs dang chos kyi che bas mngon par mtho ba'i gdung rabs rin po che 'di nyid du gang dag byon pa thams cad ston mchog nyid dam de sras 'phags chen dam pa'i sar gnas nyag gcig ma gtogs tha mal rang rgyud pa 'byung ba'i go skabs nam yang med pa ni gzur gnas yongs kyi yid ngor gsal ba bzhin la/ khyad par rje 'di nyid ni/ kong po gter ston rig 'dzin hUM nag me 'bar ram 'ja' tshon snying po'i gter byon/ thugs rje chen po ngan song rang grol las: sna nam skye ba sa skya'i thil du 'byung: 'tha' dmag bzlog pa'i rten 'brel de la yod: ces dang / yang de nyid kyi gter byon mgon po ma ning gi lung byang du/ gzhan yang