[A:28]bye ba ni/
ngag lam nas spel mkhas dbang kun dga' ba/
snyan grags pas khyab la sogs 'byon 'gyur gyi/
gdung rabs srid mtha'i bar du 'byung gyur cig/
de ltar dus gsum ngo mtshar gtam gyi gzhi/
gangs khrod rdo rje'i gdan mchog dpal sa skya'i/
gdan rabs lo grangs dad pa'i gsos bris par/
chu glang nas ni chu rta sum cu'i bar/
dkon mchog rgyal po nyid do chu lug nas/
lcags pho stag bar ba ri rin chen grags/
lo brgyad bar mdzad lcags yos sa stag bar/
bzhi bcu sa chen kun dga' snying pos mdzad/
de sras bsod nams rtse mos mdzad min la/
lo rgyus sna tshogs 'dir ni chos kyi rje/
bla ma dam pas lam 'bras chos 'byung ni/
ngo mtshar snang ba'i rjes 'brangs sa yos nas/
shing phag bar gyi lnga bcu nga bdun lo/
rje btsun grags pa rgyal mtshan gdan sar bzhugs/
me byi nas ni chu mo yos kyi bar/
nyer brgyad 'jam mgon sa skya paN chen po/
de nas lo grangs nyer gcig 'das bar du/
gdan sa ma bkod shar pa shes 'byung dang/
'u yug rig seng dpon chen shAka bzang gsum/
spyi mir bzhugs shing shing glang me stag gnyis/
'phags pa rin po ches mdzad me yos nas/
shing phag bar dgu rin chen rgyal