[A:༢༨]བྱེ་བ་ནི།
ངག་ལམ་ནས་སྤེལ་མཁས་དབང་ཀུན་དགའ་བ།
སྙན་གྲགས་པས་ཁྱབ་ལ་སོགས་འབྱོན་འགྱུར་གྱི།
གདུང་རབས་སྲིད་མཐའི་བར་དུ་འབྱུང་གྱུར་ཅིག།
དེ་ལྟར་དུས་གསུམ་ངོ་མཚར་གཏམ་གྱི་གཞི།
གངས་ཁྲོད་རྡོ་རྗེའི་གདན་མཆོག་དཔལ་ས་སྐྱའི།
གདན་རབས་ལོ་གྲངས་དད་པའི་གསོས་བྲིས་པར།
ཆུ་གླང་ནས་ནི་ཆུ་རྟ་སུམ་ཅུའི་བར།
དཀོན་མཆོག་རྒྱལ་པོ་ཉིད་དོ་ཆུ་ལུག་ནས།
ལྕགས་ཕོ་སྟག་བར་བ་རི་རིན་ཆེན་གྲགས།
ལོ་བརྒྱད་བར་མཛད་ལྕགས་ཡོས་ས་སྟག་བར།
བཞི་བཅུ་ས་ཆེན་ཀུན་དགའ་སྙིང་པོས་མཛད།
དེ་སྲས་བསོད་ནམས་རྩེ་མོས་མཛད་མིན་ལ།
ལོ་རྒྱུས་སྣ་ཚོགས་འདིར་ནི་ཆོས་ཀྱི་རྗེ།
བླ་མ་དམ་པས་ལམ་འབྲས་ཆོས་འབྱུང་ནི།
ངོ་མཚར་སྣང་བའི་རྗེས་འབྲངས་ས་ཡོས་ནས།
ཤིང་ཕག་བར་གྱི་ལྔ་བཅུ་ང་བདུན་ལོ།
རྗེ་བཙུན་གྲགས་པ་རྒྱལ་མཚན་གདན་སར་བཞུགས།
མེ་བྱི་ནས་ནི་ཆུ་མོ་ཡོས་ཀྱི་བར།
ཉེར་བརྒྱད་འཇམ་མགོན་ས་སྐྱ་པཎ་ཆེན་པོ།
དེ་ནས་ལོ་གྲངས་ཉེར་གཅིག་འདས་བར་དུ།
གདན་ས་མ་བཀོད་ཤར་པ་ཤེས་འབྱུང་དང།
འུ་ཡུག་རིག་སེང་དཔོན་ཆེན་ཤཱཀ་བཟང་གསུམ།
སྤྱི་མིར་བཞུགས་ཤིང་ཤིང་གླང་མེ་སྟག་གཉིས།
འཕགས་པ་རིན་པོ་ཆེས་མཛད་མེ་ཡོས་ནས།
ཤིང་ཕག་བར་དགུ་རིན་ཆེན་རྒྱལ་