[A:311]dang 'od gsal 'dres pa'i ngang nas zhib par mjal byung ste khong sku bong che chung ran pa/ zhal dkyil zlum shing dkar la dmar shas che ba'i mdangs dang ldan pa/ spyan gnyis zlum shing che ba/ shangs gzeng mtho zhing chu sgros legs pa/ zhal sma ra dang zhal brgyan khyug ge yod pa/ sku gzan smug cing sku chos ser ba bzhes pa zhig gsal bar mthong byung zhes sogs dgyes spro'i gsung du ma stsal/ de nas rje nyid dpon slob nye char phebs tshe der bzhugs 'dus tshogs kyi ser phreng gi phebs bsu gzab par zhus nas 'jam pa'i dbyangs sangs rgyas rin chen gyi chos rwar phebs pa'i tshe dpal 'khor lo sdom pa nyid ngur smrig gi bla gos bzhes pa mus chen sangs rgyas rgyal mtshan de nyid thugs dgyes spro dang byin rlabs kyi gzi byiin nyi ma ltar 'bar ba mjal ma thag rje 'di nyid kyis thugs snang gi rtog pa phra rags thams cad 'gags nas lhan skyes spros bral gyi yi shes ngang la re zhig had der lus par/ sku 'khor rnams kyis snyan bskul zhus pas sad de/ thog mar rje mus chen nas phyag gsum mdzad ring la/ rje 'dis dad pa'i yus kyis phyag dgu btud du gnang / mjal dar dang bcas byin rlabs dbu mnyam rtse sprod lugs dgongs kyang rje nyid kyi dbu mus chen gyi dbu 'og tu chug nges shig mdzad rgyu byung bas