[A:348]phyag phul mdzad tshe/ grub mchog de nyid nas kyang sku mched yun ring nas ma mjal ba'i thugs brtse gdung gi shugs dang/ rje 'dis gdan sa chos srid kyi khur bzhes nas 'phrin las rgyas pa la thugs dgyes spro'i shugs kyis mjal dar dang phyag mdzad pas rje nyid kyi gcen gyi sku la 'khyud nas bshol bar grub mchog nyid nas kho bo na so rgan kyang khyed rang gi lugs gnyis kyi mkhyen rab phul du phyin pa 'di'i char yang mi phod ces sogs rjes su yi rang gnang nas sku mched lhan cig par chos sde phan tshun nas ser phreng gi phebs bsu dang bcas thugs nyams spro bar phebs/ sgang chen zhabs drung nas sku brnyan rgya nag ma gyon gtsang ba du ma dang / rol mo/ ja gos dang / rta/ drel sogs zang zing gi dngos spyad rgya cher phul/ gtsug lag khang so sor snyan dar phon chen dang 'dus sder mang 'gyed sogs lha mi kun la skyes gnang rgya cher stsal/ de lo gdan sar mi phyed pa'i dad pa can shag pa chos kyi rje kun bzang drung dang / grub mchog mthu stobs dbang phyug gi zhabs 'bring pa scags la bla ma chos rgya mtsho gnyis kyis gtsos pa'i dad ldan du ma'i ngor gsung ngag rin po che rgyas par gnang / de rjes kyang lo nas spyan snga rin po che phebs par chos bka' 'ga' zhig gsan/