[A:34]dang po ni/ kun dga' bsam 'grub btsun mo ma gcig sras/ kun dga' bde legs bkra shis zhes bya 'khrungs/ kun dga' bde legs btsun mo bya bzang ma'i/ sras la 'jam dbyangs bsod nams lhun grub dang/ tshe dbang hor sog bsod nams rgyal mtshan dang/ 'jig rten rgya hor zhes bya rnam gsum byon/ 'jig rten rgya hor btsun mo stag lung mar/ sras gsum 'khrungs pa da lta bzhugs 'di'o/ / zhes so/ /
gnyis pa de'i don cung zad bshad pa ni/ 'jam dbyangs kun dga' bsam grub kyis btsun mo zhig khab tu bzhes pa la sras 'jam dbyangs kun dga' bde legs bkra shis 'khrungs pa ni/ gzhon nu nyid nas dam pa'i skyes bu mang po las gsan pa ci rigs pa mdzad de thugs dam la brtson par bzhugs shing/ rnal 'byor dbang phyug gis rjes su bzung bar yang grags la/ mthar dgung lo bzhi bcu bzhes pa'i tshe bde bar gshegs so/ /
bdag chen des bya bzang pa'i sras mo dpal bu khrid bya ba btsun mor bzhes pa la/ da lta dgung lo nga dgu pa'i steng na bzhugs pa'i 'jam dbyangs kun dga' bsod nams lhun grub dang/ gzhon nu la gshegs pa'i tshe dbang hor sog bsod nams rgyal mtshan zhes bya ba dang/ 'jig rten rgya hor dang