[A:༣༤]དང་པོ་ནི། ཀུན་དགའ་བསམ་འགྲུབ་བཙུན་མོ་མ་གཅིག་སྲས། ཀུན་དགའ་བདེ་ལེགས་བཀྲ་ཤིས་ཞེས་བྱ་འཁྲུངས། ཀུན་དགའ་བདེ་ལེགས་བཙུན་མོ་བྱ་བཟང་མའི། སྲས་ལ་འཇམ་དབྱངས་བསོད་ནམས་ལྷུན་གྲུབ་དང། ཚེ་དབང་ཧོར་སོག་བསོད་ནམས་རྒྱལ་མཚན་དང། འཇིག་རྟེན་རྒྱ་ཧོར་ཞེས་བྱ་རྣམ་གསུམ་བྱོན། འཇིག་རྟེན་རྒྱ་ཧོར་བཙུན་མོ་སྟག་ལུང་མར། སྲས་གསུམ་འཁྲུངས་པ་ད་ལྟ་བཞུགས་འདིའོ། ། ཞེས་སོ། །
གཉིས་པ་དེའི་དོན་ཅུང་ཟད་བཤད་པ་ནི། འཇམ་དབྱངས་ཀུན་དགའ་བསམ་གྲུབ་ཀྱིས་བཙུན་མོ་ཞིག་ཁབ་ཏུ་བཞེས་པ་ལ་སྲས་འཇམ་དབྱངས་ཀུན་དགའ་བདེ་ལེགས་བཀྲ་ཤིས་འཁྲུངས་པ་ནི། གཞོན་ནུ་ཉིད་ནས་དམ་པའི་སྐྱེས་བུ་མང་པོ་ལས་གསན་པ་ཅི་རིགས་པ་མཛད་དེ་ཐུགས་དམ་ལ་བརྩོན་པར་བཞུགས་ཤིང། རྣལ་འབྱོར་དབང་ཕྱུག་གིས་རྗེས་སུ་བཟུང་བར་ཡང་གྲགས་ལ། མཐར་དགུང་ལོ་བཞི་བཅུ་བཞེས་པའི་ཚེ་བདེ་བར་གཤེགས་སོ། །
བདག་ཆེན་དེས་བྱ་བཟང་པའི་སྲས་མོ་དཔལ་བུ་ཁྲིད་བྱ་བ་བཙུན་མོར་བཞེས་པ་ལ། ད་ལྟ་དགུང་ལོ་ང་དགུ་པའི་སྟེང་ན་བཞུགས་པའི་འཇམ་དབྱངས་ཀུན་དགའ་བསོད་ནམས་ལྷུན་གྲུབ་དང། གཞོན་ནུ་ལ་གཤེགས་པའི་ཚེ་དབང་ཧོར་སོག་བསོད་ནམས་རྒྱལ་མཚན་ཞེས་བྱ་བ་དང། འཇིག་རྟེན་རྒྱ་ཧོར་དང་