[A:353]chos grags gdan drangs pa bzhin phebs pas ser phreng gi bsu ba gnang / dus kyi 'khor los mtshon pas chos bka' zhab cing rgya che ba mtha' yas pa zhig gsan/ phar yang gsang 'dus rim lnga'i dmar khrid 'gos lugs gtsang ma la rgyab chos yig rnying du ma'i lung sogs 'phags skor yongs rdzogs kyi khrid lung bshad bka' mtha' dag bum pa gang byo'i tshul du gnang bas mkhan chen 'di nyid kyang 'di nas bzung ste gsang 'dus smra ba'i dbang phyug tu gyur/
dgung lo so gsum pa sa sbrul lor lo snga ma'i bzhi thog gi ar po'i 'phro grub par/ li ma lha khang rdo rje'i gdan dang / rgya nag lha khang ri bo rtse lnga dang / dpe khang chos mdzod chen mo rnams su mtshan gsol nas rab gnas smin rgyas gnang / de dang dus sprel lha khang chen mo'i byang shar gyi lcog btsun mo spe'u yang nyams gso rmang nas bslang bar mdzad tshe mnal lam du sngags 'chang yab sras gsum rje nyid bcas bsam gling du phebs rgyu'i rnam pas btsun mo lcog gi shar rtsa nas yar 'byon gin 'dug par sngags 'chang chen pos btsun mo spe'ur legs par gzigs rjes rje nyid la gzigs nas zhal 'dzum shin tu che ba zhig mdzad pa byur bas sngags 'chang chen po yang dgongs pa rdzogs pa'i mtshan mar