[A:358]dkoon pa du ma gsan/ sde srid kyis phur pa grwa tshang du 'jog rgyu'i gur mgon lcam dral gyi 'chams sku zhig zhal bkod dgos tshul zhus pa ltar zhal bzhes gnang / pho brang nas chibs bsgyur nyin sde srid nas phebs skyel zhus pa'i bkra shis lhun po'i thang stod de na phebs dus bud med cig gis phyag dbang ma thob pa'i gdung bas skad chen pos ngu rgyugs byed pa byung ba dang / snar thang la ma phebs bar nub phyogs nas rlung chen shin tu che ba phyug po gzhung khrig gis khengs pa zhig byung bas/ de nub rje'i gsungs las/ da nang gi bud med ngu rgyugs byed pa de dang / thal rlung byung lugs des nged mchod yon slar mjal 'dzoms legs tshogs che ba zhig ji 'dra yong ngam gsungs/ de rjes gdan sar 'cham mgon zhal bkod gnang skabs kyang / 'di sde srid rang nas thugs bsam rnam dag gi mdzad sgor 'dug kyang / bsam 'grub rtser 'khyol thub pa zhig ma byung dogs ka 'dug gsungs pa sogs phyis 'byung sgrib med du gzigs pa'i bka' du ma gnang /
de lo gtsang phyogs su 'brum nad gdug pa can zhig byung bas/ gdan sar yang ser skya mang por 'brum nad kyi thebs par nye skor du rol mo'i sgra sogs shin tu 'dzem dgos kyis phal cher thag chod mtshams su dbu rtser zhen pa bzhi bral gyi khrid gnang