[A:364]su chibs bteg mi rje ka rma bstan skyong dbang por 'phral yun gyi bslab ston lhug 'doms gnang / de nyid nas kyang 'phags pa rin po che'i thug rten mgon po'i sku brnyan si'u ma thog tshad tsam da lta rgyal po lo gsar gyi mnga' gsol skabs 'grem pa 'di dang / theg chen rin po che'i thugs dam ma sher shing gi gur mgon gyi sku brnyan/ rgya sbug zhing skyong lha dga' sogs phul/ 'di phyi kun tu rjes su bzung bar gsol ba btab/ sog dmag gis sde srid gtsang pa dbang du bsdus nas ma 'gyangs par gong sa rdo rje 'chang lnga pa chen po gzhis rtser chibs bsgyur gyis rtsis bzhes mdzad skabs rje 'di dang thog mar zhal rgyas gnang dus de nas bzung gzigs bskyang gi bstod bkur bsngags gsum kho na rnam thar du kU la'i glegs bam ka pa sogs gsung rab mang por gsal yod cing / gzhis rtse'i thugs brel rnams chod nas gdan sar phebs/ zla ba brgyad pa'i nang ngam ring mkhan chen klu sgrub dar rgyas pas gsol ba btab pa'i ngor chos sde lho byang bcas tshogs chen la gsung ngag rin po che bka' drin bstsal/
sbrul zla lug gsum gyi lo 'di rnams la gdan sa phu mda' sogs su'ang mi grub chen 'gro 'dug mang skyon gyis phru ma sgrub sde'i sngags 'chang chen po'i sgrub chu gting skam byung ba/ rje nyid