[A:366]bcad rgya gnang skabs gzigs snang thun mong ma yin pa 'ga' zhig kyang byung /
de lo hor yul nas mi dbang go dan gyi gdung brgyud stobs kyi dbang phyug gong ma bdag po chen po bho kha tho zhes pa rje 'di nyid kyis snyan pas thugs dad gting nas g.yos te spyan 'dren du btang ba'i zhu yig tu/ dpal ldan sa skya pa chen po'i drung du/ da'i ching zhes pa'i yul dang rgya cher brtse zhing kun dang mthun pa'i dam pa mchog gi rgyal pos zhu yig 'bul 'bras/ nga sngon gyi rgyal po rnams kyi bka' bzhag bzhin gzhung dang bstan pa spel bar bsam nas/ 'gro ba mngon par 'dren thub pa'i mkhas shing grub pa brnyes pa'i bla ma spyan 'dren pa'i phyir bang phyin pa btang yod/ bang phyin pa'i ming ni phyi gan dge slong / pa rAon dge slong / grags pa dge slong / nam phyi dge slong / na ma gan dge slong / bsam gtan dge slong / kun dga' chos rgyal dge slong rnams yin/ gzhan tshig don bang phyin pa'i ngag na gsal/ zhu yig rten mtshon dngul gyi ka to ra gcig dngul gyi gdong mo gcig ma na ho'i phor chung gcig shel gyi phor chung gcig shel dkar gyi phor chung gsum/ shel dkar gyi dam be gcig gser rgyab pa'i khrab gcig gser rgyab pa'i rmog gcig sag thag rkos ma gcig